«Անթույլատրելի ու դատապարտելի է». Էդուարդ Շարմազանովը՝ լրագրողի նկատմամբ տեղի ունեցած հարձակման մասին
«Չեմ կարող չխոսել նաև «Ազատության» լրագրողի հետ տեղի ունեցած միջադեպի մասին»,- այսօր լրագրողների հետ հանդիպման ժամանակ ասաց ՀՀԿ խոսնակ Էդուարդ Շարմազանովը՝ խոսելով այսօր «Ազատություն» ռադիոկայանի լրագրողի նկատմամբ տեղի ունեցած հարձակման դեպքի մասին:
Է. Շարմազանովը նկատեց, որ և՛ Ոստիկանությունը, և՛ Դատախազությունը տվել են իրենց գնահատականը, գործը քննության մեջ է. «Մենք՝ որպես ՀՀԿ-ականներ, տալիս ենք քաղաքական գնահատական, իմ գնահատականը հետևյալն է՝ ցանկացած խոչընդոտ լրագրողի մասնագիտական գործողությունների իրականացման ժամանակ անթույլատրելի ու դատապարտելի է, անկախ նրանից, թե ով է դա արել: Քանի որ խնդիրն այլևս դատական տիրույթում է, բերեք ամեն ինչ թողնենք իրավապահ ոլորտին»:
