Թրամփն ափսոսանք է հայտնել, որ Ֆլինն ստիպված է անձեռնմխելիություն խնդրել «վհուկների որսի» պայմաններում

ԱՄՆ­-ի նախագահ Դոնալդ Թրամփն ափսոսանք է հայտնել այն բանի կապակցությամբ, որ ազգային անվտանգության հարցերով իր նախկին օգնական Մայքլ Ֆլինն ստիպված է իրավաբանական անձեռնմխելիության երաշխիքներ պահանջել Ռուսաստանի կառավարության հետ ենթադրվող կապերի շուրջ Կոնգրեսի անդամների առջեւ ելույթ ունենալուն համաձայնելու դիմաց։

Ինչպես նա գրել է Twitter սոցցանցի իր էջում, այդ անհրաժեշտությունը թելադրված է «վհուկների որսով», որով զբաղված են ամերիկյան ԶԼՄ­-ներն ու քաղաքական ընդդիմությունը:

«Մայքլ Ֆլինն ստիպված է անձեռնմխելիություն խնդրել, որովհետեւ դա վհուկների իսկական որս է, որն աներեւակայելի մասշտաբներով ծավալվել  ԶԼՄ­-ների եւ դեմոկրատների կողմից»,­-նշել է պետության ղեկավարը:

Mike Flynn should ask for immunity in that this is a witch hunt (excuse for big election loss), by media & Dems, of historic proportion!

— Donald J. Trump (@realDonaldTrump) March 31, 2017