Դաշտադեմ-Քարակերտ ավտոճանապարհին ական է հայտնաբերվել
Մարտի 30-ին, ժամը 17:55-ին ահազանգ է ստացվել, որ Դաշտադեմ-Քարակերտ ավտոճանապարհի 5 կմ-ի մոտակայքում հայտնաբերվել է ականանման առարկա. անհրաժեշտ է սակրավորների խումբ: Դեպքի վայր են մեկնել հրշեջ-փրկարարական ջոկատի օպերատիվ և Ճգնաժամային կառավարման ազգային կենտրոնի օպերատիվ խմբերը: Այս մասին հայտնում է ՀՀ արտակարգ իրավիճակների նախարարությունը։
Սակրավորների կողմից պարզվել է, որ հայտնաբերվածը ժանգոտված, առանց պայթուցիչի հակատանկային «TM-57» տիպի ական է և իրենց վտանգ չի ներկայացնում։ Ականը հանձնվել է Թալինի ոստիկանության աշխատակիցներին:
