Ռոբենը և Սնեյդերն ուզում են մասնակցել Հոլանդիայի հավաքականի նոր գլխավոր մարզչի ընտրությանը
Հոլանդիայի հավաքականի կիսապաշտպաններ Արիեն Ռոբենը և Ուեսլի Սնեյդերը, որոնք երկուսով 215 հանդիպում են անցկացրել հավաքականի կազմում, ուզում են մասնակցություն ունենալ ազգային թիմի նոր գլխավոր մարզչի ընտրություններում:
Մարտի 26-ին ոչ բավարար արդյունքների համար հավաքականի գլխավոր մարզչի պաշտոնից հեռացվեց Դանի Բլինդը:
«Մենք հավաքականի կազմում խաղում ենք արդեն 14 տարի և մենք արդեն Հոլանդիայի ֆուտբոլի ֆեդերացիային հայտնել ենք, որ ուզում ենք ձայնի իրավունք ունենալ նոր գլխավոր մարզչի ընտրությունում:
Մենք գիտենք՝ ինչ է պետք թիմին, և կարծում ենք, որ ունենք ճիշտ գաղափար այն մասին, թե ինչ մարզիչ է պետք մեր հավաքականին: Վան Գալն իմ անձնական ֆավորիտներից մեկն է, բայց դեռ շուտ է հստակ անուններ տալու համար»,- ասել է Ռոբենը:
Պատրաստեց Անի Գաբուզյանը
