Galaxy Note 7-ի հետ կապված սկանդալից հետո Samsung-ը ներկայացրել է սմարթֆոնի նոր մոդելը
Samsung Electronics կորպորացիան Նյու Յորքում ներկայացրել է Galaxy S8 նոր սմարթֆոնը: Ինչպես հաղորդվում է Հարավային Կորեայի՝ էլեկտրոնիկա արտադրողի պաշտոնական կայքում, ապարատը կթողարկվի երկու տարբերակով.
Երկու մոդելներն էլ ունեն կորացված եզրերով էկրան, որը մեծ է նախորդ մոդելի համեմատությամբ. Galaxy S8-ի անկյունագիծը 14,7 սանտիմետր է, Galaxy S8-ինը՝ 15,7 սանտիմետր: Նաեւ մեծացված է ճակատային խցիկը (հինգից մինչեւ ութ մեգափիքսել) եւ հիշողության ծավալը (4 գիգաբայթ գործառական եւ 64՝ ներսարված): Մինչեւ կես ժամ սմարթֆոնը կարող է գտնվել ջրի տակ։
Նոր սարքի վրա”Home” կոճակը դարձել է սենսորային, եւ ավելացվել է անձնական ձայնային օգնականի գործառույթը: Այն պետք է կատարի այն բոլոր առաջադրանքները, որոնք նախկինում մատչելի էին սոսկ էկրանին հպվելիս:
Նոր ապարատն ԱՄՆ-ում վաճառքի կհանվի ապրիլի 21-ին , իսկ Ռուսաստանում՝ ապրիլի 28-ից: Զանգվածային լրատվամիջոցները նշում են, որ ընկերությունը փորձում է վերականգնել վարկը Galaxy Note 7-ի հետ կապված սկանդալից հետո, որի տարողունակ կուտակչային մարտկոցները պայթում էին եւ վնաս պատճառում օգտատերերին, հաղորդել է ՏԱՍՍ-ը։
