«Մխիթարյանը հասկացավ, որ պատրաստ չէ այսպիսի իրականությանը». Ժոզե Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն մեկնաբանել է, թե ինչու մրցաշրջանի մեկնարկում Հայաստանի հավաքականի ավագ Հենրիխ Մխիթարյանին շատ խաղային ժամանակ չէր տրամադրում:
«Թիմից հեռու գտնվելու ժամանակ Մխիթարյանի պահվածքը տարբերվում է նրանից, թե ինչ են այլ ֆուտբոլիստները սովորաբար անում: Նա հասկացավ, որ պատրաստ չէ այսպիսի իրականությանը: Խոսքը վերաբերում է ֆիզիկական պատրաստվածությանը, մտածելակերպին և մրցունակ լինելուն:
Բացի այդ, նրա մարմնի համար ֆիզիկական ծանրաբեռնվածությանը դիմանալը և խաղերի արանքում վերականգնվելը բարդ էր»,- Մոուրինիոի խոսքը մեջբերում է The Premier League Show-ն:
