ԻՊ-ի պարագլուխները Ռաքայից տեղափոխվել են Դեր Զոր
«Իսլամական պետություն» ահաբեկչական խմբավորումը Ռաքա քաղաքը (Դամասկոսից 520 կիլոմետր հեռավորության վրա) հայտարարել է պատերազմական գոտի եւ ամրություններ է ստեղծում դրա շուրջը՝ պատրաստվելով պաշտպանության:
Ինչպես հայտնել է «Աշ Շարք ալ Աուսաթ» համարաբական թերթը, քաղաքից դեպի հյուսիս ընկած ճակատում փորվում են հակատանկային խրամատներ եւ ականապատվում են ստորգետնյա թունելները։
«Ռաքայի հյուսիսային մասում խճուղով եւ փողոցներով երթեւեկությունը փակ է, այնտեղ հայտնվել են բազմաթիվ բլինդաժներ»,- հրատարակությանը հայտնել է տեղացի ակտիվիստներից մեկը՝ Աբու Մուհամեդ ար Ռաքքավի անունով: Նրա խոսքով՝ զինյալները
կամրջանավային գետանցներ են տեղակայել այն վայրերում, որտեղ կոալիցիայի օդուժը ռմբակոծել Է Եփրատի կամուրջները:
«Ահաբեկիչները բնակչությանը հանում են շրջակա շրջաններից՝ նրան որպես կենդանի վահան օգտագործելու համար: Երիտասարդներին եւ դեռահասներին հարկադրում են մտնել իրենց շարքերը՝ նրանց ռազմական գործ սովորեցնելով»,-նշել է ար Ռաքքավին:
Միեւնույն ժամանակ ԻՊ-ի պարագլուխներն ընտանիքներով (շուրջ 300 մարդ) Ռաքայից տեղափոխվել են Եփրատի հոսանքով ցած մի այլ նահանգային կենտրոն՝ Դեր Զոր
(Դամասկոսից 420 կիլոմետր հեռավորության վրա), որն, ինչպես սպասվում է, կհայտարարվի նրանց նոր առաջադիրքը, հաղորդել է ՏԱՍՍ-ը:
