Մեծ Բրիտանիայում աճուրդի է դրվել Հիտլերի անձնական լուսանկարներով ալբոմը
Մեծ Բրիտանիայում C&T Auctionsի աճուրդին է դրվել Ադոլֆ Հիտլերի անձնական լուսանկարներով ալբոմը: Այդ մասին հայտնել է Reuters գործակալությունը:
Նրա տվյալներով՝ ֆոտոալբոմը գտնվել է ֆյուրերի բունկերում՝ նրա կնոջ Եվա Բրաունի ննջարանում, 1945 թվականի ապրիլին: Այն հայտնաբերել է խորհրդային զինվորը, որն այնուհետեւ ալբոմը հանձնել է բրիտանացի լուսանկարիչ Էդվարդ Դինին եւ հեռուստահաղորդավար Ռիչարդ Դիմբլբիին:
Հավաքածուում կան լուսանկարներ, որոնցում պատկերված են Հիտլերն ու նրա մերձավորները, այդ թվում՝ Պաուլ Յոզեֆ Գեբելսը, Գերման Գյորինգը եւ Հենրիխ Հիմլերը:
«Լուսանկարներն արվել են ինչոր մեկի կողմից, ով հնարավորություն է ունեցել մոտենալ ֆյուրերին եւ նրա շրջապատի մարդկանց»,-նշել է C&T Auctions-ի ներկայացուցիչ Թիմ Հարփերը:
Ներկայում ալբոմը պատկանում է մի հավաքորդի, որի անունը չի հրապարակվում: Փորձագետները կարծում են, որ պատմական գտածոն կարող է վաճառվել մոտավորապես 18 հազար դոլարով, հաղորդել է ՏԱՍՍ-ը:
