Թուրքիայի ԱԳՆ ղեկավարը չեղարկել է Շվեյցարիա կատարելիք այցը
Թուրքիայի արտգործնախարար Մևլյութ Չավուշօղլուն անորոշ ժամանակով հետաձգել է Շվեյցարիա այցը: Այս մասին հայտնում է Sonntags Zeitung պարբերականը՝ վկայակոչելով
«Եվրոպացի թուրք դեմոկրատների միություն» կազմակերպության ներկայացուցչին:
Միևնույն ժամանակ, Մեց քաղաքում կայանալիք միջոցառումը, որը նվիրված է Թուրքիայում սահմանադրական բարեփոխումների մասին հանրաքվեին, տեղի կունենա:
Հիշեցնենք, որ ավելի վաղ Նիդեռլանդների իշխանություններն արգելել էին Չավուշօղլուի ինքնաթիռին վայրէջք կատարել Ռոտերդամում, որտեղ նա պատրաստվում էր հանդես գալ միտինգին՝ նվիրված Թուրքիայի Սահմանադրության փոփոխություններին:
Ավելի ուշ երկրի իշխանությունները Թուրքիայի ընտանիքի և սոցիալական հարցերով նախարար Ֆաթմա Բեթյուլ Սայամ Քայային արգելել էին հանդիպել Ռոտերդամում ապրող թուրքերի հետ: Դիվանագետը հայտարարվել էր «անցանկալի անձ»:
