Արմավիրի մարզում էլեկտրաքարշիչը վրաերթի է ենթարկել ռելսերի վրա հայտնված հետիոտնին. վերջինը տեղում մահացել է
Մարտի 11-ին, ժամը 19.29-ին տեղեկատվություն է ստացվել, որ «Հարավկովկասյան երկաթուղի» ՓԲԸ-ի երկաթգծի 2835 ուղեկալում՝ Արմավիր-Արագածոտն հատվածի Մրգաշատ գյուղի մոտակայքում, քաղաքացին ընկել է էլեկտրաքարշի տակ. անհրաժեշտ է օգնություն:
Դեպքի վայր է մեկնել մարզային փրկարարական վարչության օպերատիվ խումբը:
Պարզվել է, որ 1931 թ. ծնված Մ. Պ.-ը ընկել է էլեկտրաքարշի տակ։
Փրկարարները Մ․Պ.-ի դին հանձնել են շտապօգնության և ոստիկանության աշխատակիցներին։
