Հեռահաղորդակցության գործունեությունից ստացված հասույթը նվազել է
Հայաստանում 2017 թվականի հունվարին ընդհանուր հեռուստառադիոծրագրերի կազմման և հեռարձակման, հեռահաղորդակցության գործունեությունից ստացված հասույթը կազմել է 11 մլրդ 238,8 մլն դրամ:
ՀՀ ազգային վիճակագրական ծառայության հրապարակած տվյալների համաձայն, նախորդ տարվա համանուն ժամանակահատվածում այս գործունեությունից ստացված հասույթը կազմել է 12 մլրդ 94,3 մլն դրամ, ինչը 8 տոկոսով գերազանցում է այս տարվա ցուցանիշը:
Ըստ պաշտոնական վիճակագրության անկումը պայմանավորված է հեռահաղորդակցության գործունեությունից ստացված հասույթի նվազմամբ: Այն կազմել է 10 մլրդ 727,9 մլն դրամ, ինչը 2016 թվականի հունվարի համեմատ 7,7 տոկոսով պակաս է այս տարվա ցուցանիշից: 2016 թվականի հունվարին այն կազմել էր 11 մլրդ 619,1 մլն դրամ;
Ռադիոծրագրերի կազմման և հեռարձակման գործունեությունից ստացած հասույթն այս տարվա հունվարին կազմել է 158,7 մլն դրամ, ինչը նախորդ տարվա ցուցանիշը գերազանցում է 6,5 տոկոսով:
Իսկ հեռուստածրագրերի կազմման և հեռարձակման գործունեությունից ստացված հասույթն աճել է 8 տոկոսով: 2017 թվականի հունվարին այս գործունեությունից ստացված հասույթը կազմել է 352,2 մլն դրամ:
