Մամեդյարովը կայցելի Ռուսաստան
Ադրբեջանի արտաքին գործերի նախարար Էլմար Մամեդյարովը մարտի 6-7-ը կայցելի Ռուսաստանի Դաշնություն: Այս մասին լրագրողների հետ ճեպազրույցի ժամանակ հայտնել է Ռուսաստանի ԱԳՆ խոսնակ Մարիա Զախարովան:
«Ռուսաստանի Դաշնության արտգործնախարար Սերգեյ Լավրովի հրավերով Ադրբեջանի Հանրապետության արտգործնախարար Մամեդյարովը մարտի 6-7-ը պաշտոնական այց կիրականացնի ՌԴ»,- հայտնել է Զախարովան:
Նա նշել է, որ այցը տեղի է ունենալու ռուս-ադրբեջանական դիվանագիտական հարաբերությունների 25 ամյակի շրջանակում:
