Ռունին ամռանը կդիտարկի «Էվերթոն» վերադառնալու տարբերակը
«Մանչեսթեր Յունայթեդի» հարձակվող Ուեյն Ռունին մտադիր է դիտարկել իր՝ «Էվերթոն» վերադառնալու հնարավորությունը, հաղորդում է Daily Mail-ը: Նշենք, որ հունվարին «Էվերթոնը» ցանկացել է վարձավճարով թիմ տանել 31-ամյա հարձակվողին, սակայն մերժում է ստացել «Մանչեսթեր Յունայթեդից»:
Գլխավոր դժվարությունն «Էվերթոնի» համար կարող է դառնալ ֆինանսական հարցը. ակումբը մինչև հիմա չի երկարաձգել պայմանագիրը թիմի հարձակվող Ռոմելու Լուկակուի հետ, ինչի համար նույնպես մեծ միջոցներ են պետք: Հիշեցնենք, որ Ռունին «Մանչեսթեր Յունայթեդում» ստանում է շաբաթական 230 հազար ֆունտ:
Ռունին հանդիսանում է «Էվերթոնի» սան, որի կազմում հանդես է եկել 2002-04թթ., որից հետո տեղափոխվել է «Մանչեսթեր Յունայթեդ»:
Պատրաստեց Անի Գաբուզյանը
