Ինչպես եփել մասալա-թեյը. տիբեթական կախարդական ըմպելիքի պատրաստման գաղտնիքները

Մասալա-թեյը Տիբեթի, Նեպալի, Հնդկաստանի, Պակիստանի բնակիչների ավանդական ըմպելիքն է, որը պատրաստում են կաթից, սև թեյից և համեմունքներից: «Մասալա» բառը թարգմանաբար նշանակում է «Համեմունքների խառնուրդ»: Հենց համեմունքներն են այս ըմպելիքին օժտում յուրահատուկ հատկություններով: Օրինակ, հիլը նպաստում է օրգանիզմից թույների հեռացմանը, դարչինը և կոճապղպեղը ամրացնում են իմունիտետը, իսկ մեխակը ցավազրկող հատկություն ունի:

Ընդհանուր առմամբ, մասալա-թեյը կոմպլեկսային միջոց է, որը գերազանց տաքացնում է, բարձրացնում է օրգանիզմի տոնուսը, մաքրում է արյունը և նպաստում է նյարդային համակարգի ամրացմանը: Իսկ այ համը և բույրը դժվար է նկարագրել. իսկական արևելյան կախարդանք:

Ինչպես պատրաստել մասալա-թեյը

Հիմնական բաղադրիչները.

1. Կաթ – 400 մլ
2. Ջուր – 100 մլ
3. Սև թեյ – 2 ճ/գ
4. Շաքարավազ – 2 ճ/գ
5. Համեմունքներ

Համեմունքներ մասալա-թեյի համար.

1. Աղացած դարչին – 1 թ/գ
2. Աղացած հիլ – 0.5 թ/գ
3. Սև հատիկավոր պղպեղ – 5 հատ
4. Թարմ կոճապղպեղի արմատ – 3 սմ
5. Մեխակ – 4 հատիկ

Պատրաստման եղանակը

1. Առաջին հերթին պետք է պատրաստել մասալան. աղալ բոլոր համեմունքները, քերել կոճապղպեղը:

2. Եռացնել ջուրը, ավելացնել շաքարավազը, թեյի թուրմը, համեմունքները, կոճապղպեղը և եռացնել մի քանի վայրկյան:

3. Ավելացնել կաթը: Այն պետք է լինի սենյակային ջերմաստիճանի:

4. Կաթը թեյի հետ հասցնել եռման աստիճանկի: Մասալա-թեյը քամել և տեղափոխել տաքացրած թեյնիկի մեջ:

Պատրաստեց Անի Գաբուզյանը