ՕՊԵԿ-ի ղեկավարը կմեկնի Ադրբեջան
Նավթ արտահանող երկրների կազմակերպության (ՕՊԵԿ) գլխավոր քարտուղար Մուհամմեդ Բարկինդոն պլանավորում է պաշտոնական այց կատարել Ադրբեջան, հայտարարել է Ադրբեջանի էներգետիկայի նախարար Նատիգ Ալիևը։ Այս մասին տեղեկացնում է ադրբեջանական haqqin.az պորտալը։
«ՕՊԵԿ-ի գլխավոր քարտուղարը մտադրություն է հայտնել այցելել Ադրբեջան։ Հաշվի առնելով այն, որ այցը ամուր հիմք կստեղծի Ադրբեջանի և կարտելի միջև, ինչպես նաև կբարձրացնի երկրի հեղինակությունն աշխարհում և նավթ արտահող երկրների շրջանում, էներգետիկայի նախարարությունն արդեն համապատասխան գրավոր հրավեր է ուղարկել»,- նշել է Նատիգ Ալիևը Respublika պաշտոնական թերթում տպագրված հոդվածում։
