Սիրիացի ապստամբները մոտեցել են ԴԱԻՇ-ի վերահսկողության տակ գտնվող Դաբիկ քաղաքին
Սիրիացի ապստամբները թուրք զինվորականների աջակցությամբ մոտենում են ԴԱԻՇ-ի վերահսկողության տակ գտնվող Դաբիկ քաղաքին, հայտարարել է Թուրքիայի նախագահ Ռեջեփ Էրդողանը:
Էրդողանի խոսքով՝ Սիրիայի ազատ բանակի զինյալները թուրքական ավիացիայի օգնությամբ մի քանի օր է, ինչ գրավում են քաղաքի շուրջ գտնվող գյուղերը, որը գտնվում է Հալեպ նահանգում՝ Թուրքիայի հետ սահմանից 20 կմ հեռավորության վրա:
Դաբիկը մեծ խորհրդանշական նշանակություն ունի ԴԱԻՇ-ի զինյալների համար:
Իսլամական դավանաբանության մեջ քաղաքը համարվում է մուսուլմանական Արմագեդոնի վայրը կամ վերջին ճակատամարտի վայրը՝ աշխարհի վերջից առաջ:
