Նարնջով և խնձորով շատ համեղ իտալական փքաբլիթներ. 10 րոպե և պատրաստ է

Ներկայացնում ենք իտալական շատ համեղ փքաբլիթների բաղադրատոմս, որոնք կարելի է պատրաստել ընդամենը 10 րոպեում:

Բաղադրությունը.

1. Ալյուր – 300 գ
2. Փխրեցուցիչ – 1.5 թ/գ
3. Շաքարավազ – 80 գ
4. Նարինջ – 1 հատ
5. Խնձոր – 1 հատ
6. Կաթ – 60 գ
7. Ալկոհոլ – 30 գ
8. Ձու – 1 հատ
9. Շաքարի փոշի
10. Բուսայուղ

Պատրաստման եղանակը.

1. Քերել նարնջի կեղևը: Հետո քերել խնձորի կեսը:

2. Խորը թասի մեջ քամել նարնջի հյութը, ավելացնել նարնջի քերած կեղևը և խնձորը:

3. Ավելացնել ալյուրը, փխրեցուցիչը և շաքարավազը: Լցնել կաթը, ավելացնել ձուն և 30 գ ալկոհոլը (գինի, կոնյակ կամ վիսկի):

4. Հունցել պինդ խմոր: Եթե այն թույլ է, ավելացնել ալյուր:

5. Միջին կրակի վրա սոտեյնիկով տաքացնել բուսայուղը (սոտեյնիկի մեջ 3 սմ):

6. Երբ բուսայուղը տաքանա, միջին չափի ճաշի գդալով վերցնել խմորը և գցել բուսայուղի մեջ: Խմորե գնդիկները պետք է կրկնակի մեծանան:

7. Պատրաստի փքաբլիթները դնել թղթե անձեռոցիկի վրա և վրան շաքարի փոշի շաղ տալ:

Պատրաստեց Անի Գաբուզյանը