Թուրքմենստանում հրապարակները և պուրակները կկրեն Իսլամ Քարիմովի անունը
Թուրքմենստանում հրապարակները և պուրակները կկոչվեն Ուզբեկստանի նախագահ Իսլամ Քարիմովի անունը, հայտարարել է Թուրքմենստանի նախագահ Գուրբանգուլի Բերդիմուհամեդովն ուզբեկական հեռուստատեսության եթերում, հայտնում է RIA Novosti-ն:
Ուրբաթ օրը կաթվածից մահացած 78-ամյա Քարիմովը շաբաթ օրը հուղարկավորվել է հայրենի Սամարղանդ քաղաքում: Ուզբեկստանում եռօրյա սուգ է հայտարարվել:
«Մենք միշտ կհիշենք նրան: Մեր հրապարակները, պուրակները ոչ միայն մայրաքաղաքում, այլև ողջ երկրում կկրեն Իսլամ Քարիմովի անունը»,- ասել է Բերդիմուհամեդովը:
