ՄԱԿ-ը Թուրքիայից տվյալներ է պահանջում փախստականների մահվան հնարավոր դեպքերի մասին
ՄԱԿ-ի փախստականների հարցերով գրասենյակի աշխատակիցները Թուրքիայի իշխանություններից պահանջել են տվյալներ ներկայացնել Սիրիայի հետ սահմանին փախստականների մահվան հնարավոր դեպքերի մասին: Այս մասին, ինչպես հայտնել է RIA Novosti-ն, տեղեկացնում է ՄԱԿ-ի փախստականների հարցերով գերագույն հանձնակատարի գրասենյակի պաշտոնական ներկայացուցիչ Վիլյամ Սպինդլերը:
«Մենք Թուրքիայի իշխանություններին հարցում էինք ուղարկել՝ պատասխանելու հայտարարություններին, թե ինչպես կարող էին փախստականները մահանալ գնդակահարության հետևանքով: Նման հաղորդագրություններ են ստացվել մարդասիրական կազմակերպություններից»,- հայտնել է նա:
Միաժամանակ, նա նշել է, որ ՄԱԿ-ի փախստականների հարցերով գերագույն հանձնակատարի գրասենյակը չի զբաղվում Թուրքիայի տարածքում կրակի դադարեցման ռեժիմի խախտումների դեպքերով:
