Վլադիմիրի մարզում ՌԴ ՆԳՆ-ին պատկանող ուղղաթիռի կոշտ վայրէջքի հետևանքով 2 մարդ է զոհվել
Ինչպես ավելի վաղ տեղեկացրել էինք, Վլադիմիրի մարզում աղետի էր ենթարկվել ՌԴ ՆԳՆ-ին պատկանող АС-350 ուղղաթիռը: Շրջանի նահանգապետ Սվետլանա Օռլովան հայտնել է, որ ինքնաթիռի կոշտ վայրէջքի հետևանքով 2 մարդ է զոհվել, ևս 2 մարդ ստացել է տարբեր աստիճանի վնասվածք:
Ընդհանուր՝ ինքնաթիռում գտնվել է 4 մարդ, հայտնում է BBC-ն: Ուղղաթիռը անտառօգտագործման հանցագործությունների բացահայտման դեպքի ուսումնասիրման առաջադրանք է կատարել:
Քննարկվում են մի շարք վարկածներ, տեղի ունեցածի վարկածների թվում են դիտարկվում ուղղաթիռի տեխնիկական անսարքությունները, օդաչուի սխալը, եղանակային անբարենպաստ պայմանները կամ անորակ վառելիքը:
Ավելի վաղ հաղորդվել էր, որ վայրէջքից հետո ուղղաթիռում հրդեհ է բռնկվել:
