«Չեմ հավատում, որ «Մանչեսթեր Յունայթեդը» բանակցություններ է վարում Ժոզե Մոուրինիոյի հետ». Լուի Վան Գալ
«Մանչեսթեր Յունայթեդի» գլխավոր մարզիչ Լուի Վան գալը մեկնաբանել է տեղեկատվությունն այն մասին, որ մանկունյանցիներին կարող է գլխավորել դեկտեմբերին «Չելսիից» հեռացված Ժոզե Մոուրինիոն:
«Վերջին մի քանի ամիսները շատ ծանր էին կնոջս, երեխաներիս, թոռներիս և ընկերներիս համար: Ինձ համար` նույնպես, բայց ես ամեն ինչ կհաղթահարեմ:
Ես չեմ հավատում, որ «Մանչեսթեր Յունայթեդն» արդեն բանակցություններ է վարում Մոուրինիոյի հետ»,- ասել է Վան Գալը:
Հաղորդվում է, որ մանկունյանցիները սկսել են բանակցությունները մարզչի ներկայացուցիչների հետ անմիջապես այն բանից հետո, երբ «Մանչեսթեր Սիթին» հայտարարել է ակումբի գլխավոր մարզչի պաշտոնում Պեպ Գվարդիոլայի նշանակման մասին:
Պատրաստեց Անի Գաբուզյանը
