Ռոնդա Ռոուզին UFC չեմպիոնական տիտղոսի համար մարտը կանցկացնի նոյեմբերին
UFC-ի նախկին չեմպիոնուհի Ռոնդա Ռոուզին տիտղոսը վերադարձնելու շանս կստանա նոյեմբերին: Այդ մասին հաղորդել է UFC-ի նախագահ Դեյնա Ուայթը:
Հիշեցնենք, որ տվյալ պահին թեթևագույն քաշի UFC չեմպիոնական տիտղոսը պատկանում է Հոլլի Հոլմին, ով անցյալ տարվա աշնանը նոկաուտի ենթարկեց Ռոնդա Ռոուզիին:
Մարտի 5-ին Հոլմը կանցկացնի չեմպիոնական գոտում իր առաջին պաշտպանությունը, և նրա մրցակիցը լինելու է Միշա Տեյտը: Այս մենամարտի հաղթողի հետ էլ աշնանը կհանդիպի Ռոնդա Ռոուզին:
Պատրաստեց Անի Գաբուզյանը
