Եվրամիությունը Վրաստանին 100 մլն եվրո է հատկացրել
Եվրամիությունը Վրաստանին հատկացրել է 100 մլն եվրո՝ աջակցելու բարեփոխումներին ու երկրի տնտեսական զարգացմանը, ասվում է հաղորդագրության մեջ, որը տարածել է Եվրահանձնաժողովը:
Հաղորդագրության մեջ նշվում է, որ ֆինանսական միջոցների հատկացումը ուղղվելու է բարեփոխումների անցկացմանը, որոնք առնչություն ունեն ԵՄ-ի հետ Վրաստանի ասոցացմանը:
Ֆինանսական աջակցության նոր փաթեթը կօգնի Վրաստանին հասնելու ադմինիստրացիայի ոլորտներում բարեփոխումների հարցում իր առջև դրված նպատակներին, կնպաստի գյուղատնտեսության զարգացմանը, քաղաքացիական հասարակության ակտիվացմանը, ԵՄ-ի հետ այցագրի ռեժիմի ազատականացմանը:
