Հյումելսը վիճել է Տուխելի հետ և կարող է հեռանալ ակումբից

Bild պարբերականը հայտնում է, որ Դորտմունդի «Բորուսիայի» ավագ, կենտրոնական պաշտպան Մատս Հյումելսը կարող է լքել թիմը գլխավոր մարզիչ Թոմաս Տուխելի հետ ունեցած վիճաբանության պատճառով:

Հյումելսը դժգոհություն է հայտնել Տուխելի գծագրած պաշտպանական գործողություններից, իսկ Տուխելին էլ չի բավարարում դորտմունդցիների ավագի խաղն այս մրցաշրջանում:

Մամուլը քննարկում է, որ գուցե Հյումելսը հեռանա: Նրա պայմանագիրն ավարտվում է 2017 թվականի ամռանը:

Այս պահին ֆուտբոլիստի ծառայություններով հետաքրքրված են «Մանչեսթեր Յունայթեդը», «Չելսին» և «Արսենալը»:

Սիրարփի Աղաբաբյան