Բաքվում հանդիպել են Ադրբեջանի նախագահն ու Թուրքիայի ԱԳՆ ղեկավարը
Ադրբեջանի նախագահ Իլհամ Ալիևն ընդունել է այցով Բաքվում գտնվող Թուրքիայի արտգործնախարար Մևլյութ Չավուշօղլուին: Այս մասին Չավուշօղլուն գրել է Twitter-ի իր էջում:
Թուրքիայի արտգործնախարարը նշել է, որ նոյեմբերի 27-ին հանդիպել է Ադրբեջանի նախագահի հետ:
«Հանդիպման ընթացքում մենք քննարկել ենք ներկայիս վիճակն ու մեր համագործակցության զարգացման հեռանկարները»,- գրել է Չավուշօղլուն:
Ավելի վաղ հայտնի էր դարձել, որ Չավուշօղլուն այսօր հանդիպելու է Ադրբեջանի նախագահ Իլհամ Ալիևի, վարչապետ Արթուր Ռասիզադեի, երկրի խորհրդարանի խոսնակ Օգթայ Ասադովի ու արտգործնախարար Էլմար Մամեդյարովի հետ:
