Խոցված «Սու-24» ինքնաթիռի օդաչուներից մեկը զոհվել է. ԶԼՄ-ներ
Թուրքական CNN Türk հեռուստաալիքը հայտնում է, որ այսօր Սիրիայում խոցված ռուսական «Սու-24» ինքնաթիռի օդաչուներից մեկը զոհվել է:
Նման տվյալներ են ներկայացվում՝ հղում կատարելով տեղանքի բնակիչներին՝ թուրքոմաններին, որտեղ ընկել է այրվող ինքնաթիռը: Նշվում է, որ երկրորդ օդաչուն գտնվում է նրանց ձեռքում:
Հիշեցնենք, որ ավելի վաղ Ռուսաստանի պաշտպանության նախարարությունը հաստատել է Սիրիայում ռուսական ինքնաթիռի կործանման փաստը:
Ինքնաթիռն այդ ժամանակ գտնվել է Սիրիայի օդային տարածքում 6 հազար մետր բարձրության վրա:
Թուրքական ԶԼՄ-ները հայտնում են, որ ռուսական ինքնաթիռը խոցվել է թուրքական F-16 ինքնաթիռի կողմից:
Պատճառը, ըստ թուրքական կողմի, Թուրքիայի օդային տիրույթը հատելու փորձն է եղել:
