Թուրինջ՝ մեղրով և կոճապղպեղով
Երբեմն դիետաներ պահելով՝ սննդակարգից հանում ենք քաղցրեղենը: Սակայն ձեզ ենք ներկայացնում մի հրաշալի աղանդեր, որը ոչ միայն համեղ է և առողջարար, այլև քիչ կալորիականություն ունի:
Աղանդերը պատրաստելու համար ձեզանից կպահանջվի միայն 3 բաղադրիչ՝ թուրինջ (նաև՝ գրեյպֆրուտ (լատ.՝ Cītrus paradīsi)), մեղր և կոճապղպեղ: Այսպիոսվ ձեզ ենք ներկայացնում աղանդերի բաղադրատոմսը.
Բաղադրություն
- 2 հատ թուրինջ
- 2թ/գ (մոտ 2սմ) կոճապղպեղ (имбирь)
- 4թ/գ մեղր
Պատրաստման եղանակը
Ջեռոցը տաքացրեք 200˚: Թուրինջը կտրատեք 2 մասի և վրան քերած կոճապղպեղ լցրեք ու թխեք 10 րոպե: Ջերմաստիճանի ազդեցությունից թուրինջի դառնությունը կանցնի: Երբ թուրինջները հանեք ջեռոցից, յուրաքանչյուր կտորի վրա 1թ/գ մեղր լցրեք:
Ձեզանից միայն մնում է վայելել այս աղանդերը:
Նյութը հրապարակման պատրաստեց Լիլիթ Հարությունյանը
