ՌԴ ԱԳՆ-ն հայտարարել է Ռուսաստանի ու Թուրքիայի միջև համագործակցության «աննախադեպ մակարդակի» մասին
Ռուսաստանն ու Թուրքիան շարունակում են համագործակցությունը ահաբեկչության դեմ պայքարում, հայտնում է Interfax-ը՝ հղում կատարելով ՌԴ արտգործնախարարի տեղակալ Ալեքսեյ Մեշկովին:
«Այսօր Ռուսաստանն ու Թուրքիան հասել են համագործակցության աննախադեպ մակարդակի»,- հայտարարել է Մեշկովը:
Դիվանագետը խոստացել է, որ երկու երկրները կշարունակեն համագործակցությունը հակաահաբեկչական ոլորտում՝ չնայած առաջացող տարաձայնություններին:
