Հետաքրքիր փաստեր Դոնալդ Թրամփի մասին. փախստականների դեմ մոլի պայքարող միլիարդատիրոջ մայրը եղել է ներգաղթյալ
Մուլտիմիլիարդատեր ու ԱՄՆ նախագահի թեկնածու, Հանրապետական կուսակցությունից Դոնալդ Թրամփը դարձել է սկանդալային մեդիադեմք՝ շնորհիվ իր արտառոց հայտարարությունների, գրում է UsWeekly-ն:
Պարբերականը ներկայացրել է փաստերի ցանկ Դոնալդ Թրամփի կյանքից, որտեղ բազմաթիվ հետաքրքիր փաստեր կան:
միլիարդատերը սերում է հենց ներգաղթյալների ընտանիքից: Նրա մայրն Ամերիկա է եկել Շոտլանդիայից:
Թրամփը սիրում է վերելակներից օգտվել՝ դա համարելով մարդկության ամենաօգտակար ձեռքբերումը:
Նա անձամբ է զբաղվում իր սանրվածքով, իսկ կինը կտրում է ամուսնու մազերը:
Նրա գրասենյակը լի է հայելիներով, աթոռներով ու այլ կահույքով՝ Թրամփը հաճախ է փոխում ինտերիերը:
Նրա գրասենյակում կա մեկ զույգ Shaq կոշիկ: Նա սիրում է քաղցրավենիք ու հատկապես կոնֆետներ:
Նրա սիրած ֆիլմը «Քաղաքացի Քեյնն» է:
Սենյակից դուրս գալիս նա միշտ անջատում է լույսը:
Թրամփը չի օգտագործում թեյ, սուրճ ու ալկոհոլ: Նա սիրում է ժամանակն անցկացնել ընտանիքի հետ:
Նա միշտ ուտում է պիցցայի միջուկը, երբեք՝ խմորը:
Նա սիրում է Շոտլանդիան, որտեղից ծագումով նրա մայրն է: Նա սիրում է այնտեղ գոլֆ խաղալ:
Նա միշտ սիրում է շատ հարցեր տալ: Նա շատ հասանելի է:
Սիրում է ուտել համբուրգերներ: Թրամփի համար լավագույն ընթրիքը տանն է՝ ընտանիքի հետ:
Նրա ծննդյան օրը քույրը՝ Մարիաննան, պատրաստում է նրա սիրած մսային ռուլետը:
Նա ունի աստղ Հոլիվուդի փառքի ծառուղում:
Նա իրեն շատ համեստ է համարում:
