Կոլումբիայում երկու աղջիկ Բրազիլիայի հետ խաղից հետո հրազենային վնասվածք են ստացել
Կոլումբիացի երկրպագուները շատ եռանդուն են նշել ազգային հավաքականի հաղթանակն Ամերիկայի գավաթի խաղում:
9 և 15 տարեկան աղջիկները գտնվել են պատշգամբում, երբ անհայտ անձինք կրակ են բաց արել: Տուժածներից մեկը հրազենային վնասվածք է ստացել որովայնի շրջանում, իսկ մյուսը` մեջքի:
«Բարեբախտաբար, հիմա նրանց առողջությանը ոչինչ չի սպառնում»,- հայտարարել է Բոգոտայի ոստիկանության ղեկավար Ումբերտո Գուատիբոնսան:
Ոստիկանությանը հայտնի է դարձել նաև հետխաղյա գիշերային 900 կռիվների մասին:
С խմբի հանդիպումը, որը տեղի է ունեցել չորեքշաբթի Սանտյագոյում, ավարտվել է 1:0 հաշվով` հոգուտ կոլումբիացիների:
Տոնելով իրենց թիմի հաղթանակը` առանձին երկրպագուներ սկսել են օդ կրակել:
Պատրաստեց Անի Գաբուզյանը
