Բաքվում կալանավորվել է ավստրիացի մարզիկներին վրաերթի ենթարկած ավտոբուսի վարորդը
Կալանավորվել է Եվրոպական խաղերին մասնակցելու նպատակով Ադրբեջան եկած ավստրիացի 3 մարզիկներին Բաքվի օլիմպիական ավանում վրաերթի ենթարկած ավտոբուսի վարորդը: Այս մասին ասվում է Ադրբեջանի ՆԳՆ կայքում:
«Հետաքննության շրջանակում քննարկվում է Bakubus ՍՊԸ-ի ղեկավար անձանց պատասխանատվության ենթարկելու հարցը, ովքեր պատասխանատու են փորձառու վարորդների աշխատանքի ընդունելու համար ու ովքեր, ինչպես հարկն է, չեն կատարել իրենց պարտականությունները»,-ասվում է հաղորդագրությունում:
Ներկայում տվյալ փաստով քրեական գործ է հարուցվել «Ճանապարհային երթևեկության կանոնների ու տրանսպորտային միջոցների շահագործման խախտում» հոդվածով:
Հիշեցնենք, որ հունիսի 11-ի առավոտյան Բաքվի առաջին Եվրոպական խաղերի նախօրեին ավտոբուսը օլիմպիական ավանի տարածքում ավստրիացի 3 լողորդի էր վրաերթի ենթարկել:
