ԵԱՀԿ գործող նախագահը մայիսի վերջին կայցելի Հարավային Կովկաս
Ադրբեջանական Turan լրատվական գործակալության փոխանցմամբ՝ ԵԱՀԿ գործող նախագահ, Սերբիայի արտգործնախարար Իվիցա Դաչիչը մայիսի 31-ին պաշտոնական այցով ժամանելու է Ադրբեջան:
Սերբական աղբյուրների համաձայն՝ այցը տեղի է ունենալու Դաչիչի հարավկովկասյան այցի ժամանակ, որի շրջանակներում նա այցելելու է նաև Հայաստան ու Վրաստան:
Երևանում ու Բաքվում Դաչիչի բանակցությունների հիմնական թեմաներից մեկը լինելու է Ղարաբաղյան հակամարտության կարգավորման հարցը: Սերբիան ԵԱՀԿ-ում նախագահելու է մինչև 2015 թվականի ավարտը:
