Նեպալի երկրաշարժի հետևանքով զոհերի թիվը հասել է 3218-ի
Բրիտանական Reuters լրատվական գործակալության փոխանցմամբ՝ Նեպալի երկրաշարժի հետևանքով զոհերի թիվը հասել է մինչև 3218 մարդու: Վիրավորների թիվը կազմում է 6538 մարդ: Այս մասին հայտնել է տեղական ոստիկանությունը:
Ընդ որում՝ չի բացառվում, որ զոհերի թիվը կարող է հասնել 8000 մարդու: Ավելի վաղ հաղորդվել էր 2500 զոհի մասին: Նեպալում ապրիլի 25-ին գրանցվել է 7.9 մագնիտուդ ուժգնության երկրաշարժ:
Երկրաշարժի էպիկենտրոնը գտնվել է երկրի մայրաքաղաք Կատմանդուից 82 կիլոմետր հյուսիս-արևմուտք: Իշխանությունները վստահեցնում են, որ դա վերջին 81 տարվա վատագույն երկրաշարժն է:
