Էլ. լարերի կարճ միացում ավտոմեքենայում
Ապրիլի 25-ին, ժամը 17.58-ին ահազանգ է ստացվել, որ Երևանի Հալաբյան և Մարգարյան փողոցների խաչմերուկի մոտակայքում «Վոլկսվագեն» մակնիշի ավտոմեքենայից ծուխ է նկատվում:
Դեպքի վայր է մեկնել մեկ մարտական հաշվարկ և ՃԿԱԿ օպերատիվ խումբը:
Պարզվել է, որ «Վոլկսվագեն» մակնիշի 75 RA 777 պետհամարանիշով ավտոմեքենայի ստորին հատվածում տեղի է ունեցել էլ. լարերի կարճ միացում՝ առանց հրդեհի բռնկման:
Հրշեջ-փրկարարները հոսանքազրկել են ավտոմեքենան և իրականացրել հովացման աշխատանքներ:
ՀՀ Արտակարգ իրավիճակների նախարարություն
