Ֆրանսուա Օլանդն ապրիլի 24-ին կմեկնի Երևան. Ֆրանսիայի ԱԳՆ
Ռուսական РИА Новости լրատվական գործակալության փոխանցմամբ՝ Ֆրանսիայի նախագահ Ֆրանսուա Օլանդը կմասնակցի ապրիլի 24-ին Երևանում անցկացվելիք հիշատակի միջոցառումներին՝ կապված Հայոց ցեղասպանության 100-րդ տարելիցի հետ:
Այս մասին լրագրողների հետ այսիօրվա ճեպազրույցի ժամանակ հայտարարել է Ֆրանսիայի ԱԳՆ-ի պաշտոնական ներկայացուցիչ Ռոմեն Նադալը. «Հանրապետության նախագահն ապրիլի 24-ին կմեկնի Երևան, որպեսզի հարգանքի տուրք մատուցի Հայոց ցեղասպանության զոհերին»:
Նրա խոսքերով՝ հիշատակի տարբեր միջոցառումներ կկազմակերպվեն նաև Ֆրանսիայում՝ պատմական, մշակութային կազմակերպությունների ու ասոցիացիաների և տեղական իշխանությունների կողմից:
