Վահե Հակոբյանը մերձավորներին ասել է, որ մինչև կոկորդը կուշտ է պետական աշխատանքից. «Հրապարակ»
«Հրապարակ» օրաթերթը գրում է. «ՀՀ տարածքային կառավարման նախարարության Ջրային տնտեսության նախկին պետ, Սյունիքի նախկին մարզպետ Վահե Հակոբյանը մինչև կոկորդը կուշտ է պետական աշխատանքից:
Մերձավորներին նա հայտարարել է, թե այլևս երբեք չի աշխատի պետական համակարգում, ափսոս չեն իր ջահել տարիները, որ մաշում էր կաբինետներում, իսկ այժմ տնօրինում է իր ժամանակը, ինչպես ուզում է:
Նա այժմ զբաղված է իր բիզնեսներն ընդլայնելով Հայաստանից դուրս: Պաշտոնանկությունից հետո Հակոբյանն սկսել է գրեթե չշփվել պետական պաշտոնյաների հետ, այդ է պատճառը, որ երբեմնի ՀՀԿ-ական գործընկերները նրա մասին ոչ մի տեղեկություն չունեն: Այս ֆոնին ուշագրավ է այն, որ նախկին փոխվարչապետ, այժմ Ռուբեն Վարդանյանի IDEA հիմնադրամի ղեկավար Արմեն Գևորգյանը, ով խուսափում է «Տաթևերի» և Սյունիքի համայնքների խնդիրներով ուղիղ շփում ունենալ մարզպետ Սուրիկ Խաչատրյանի հետ, նախընտրում է մարզի խնդիրներին ու դրանց լուծումներին տեղեկանալ Սյունյաց նախկին մարզպետից՝ Վահե Հակոբյանից»:
Ավելի մանրամասն՝ թերթի այսօրվա համարում։
