Դոլարը «սողոսկում» է վեր
Նախորդ շաբաթվա ընթացքում իր փոխարժեքից 6 դրամ կորցնելուց հետո ամերիկյան դոլարը կրկին վերականգնում է դիրքերը։ Սակայն դրամի նկատմամբ դոլարը արժևորվում է ոչ թե կտրուկ, այլ դանդաղ տեմպերով։
«ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում այսօր՝ մարտի 31-ին, դոլարի միջին փոխարժեքը կազմել է 471.95 դրամ։ Բորսայական նախորդ նստաշրջանի համեմատ դոլարը թանկացել է 0.12%-ով կամ 0.25 դրամով։ Բորսայում այսօր վաճառվել է ընդհանուր առմամբ 1 միլիոն 550 հազար դոլար։
Դոլարը երեկ նույնպես բորսայում թանկացել էր 0.19 դրամով։
Կանխիկ արտարժույթի շուկայում դոլարը գնվում է միջինը 470 դրամով, վաճառում 474 դրամով:
