«Գնացել է այգին մշակելու, կրակել են, վիրավորվել է». Տավուշում վիրավորված տղամարդուն կտեղափոխեն Երևան
Ադրբեջանական զինուժի դիպուկահարի կողմից արձակված կրակոցից վիրավորված Տավուշի մարզի Մովսես գյուղի բնակիչ Լևոն Անդրեասյանը հետագա բուժման համար կտեղափոխվի Երևան, այժմ նրա վիճակը նորմալ է: Այս մասին 168.am-ի հետ զրույցում ասաց համայնքի ղեկավարը:
«Գնացել է այգին մշակելու: Տարեց մարդ է՝ 84 տարեկան: Կրակել են, վիրավորվել է»,- փոխանցեց նա: Վնասվածք ստանալուց հետո Լևոն Անդրեասյանը տեղափոխվել էր Բերդի հոսպիտալ:
