Ռուսաստանը Բելառուսի համար նվազեցնում է գազի գինը
Ուկրաինական UNIAN լրատվական գործակալության փոխանցմամբ՝ Ռուսաստանը Բելառուսի համար նվազեցնում է գազի գինը: Բելառուսի համար 1000 խորանարդ մետր ռուսական գազի գինը 168 դոլարից նվազում է մինչև 155-154 դոլարի: Այս մասին երեկ հայտարարել է Բելառուսում Ռուսաստանի դեսպան Ալեքսանդր Սուրիկովը.
«Ներկայումս ստորագրվում է նոր պայմանագիր: Կարելի է սպասել գազի գնի նվազեցում 168 դոլարից մինչև 154-155 դոլարի»: Բելառուսը Ռուսաստանից տարեկան ներկրում է 22 միլիարդ խորանարդ մետր գազ: Երբեմն դա կարող է աճել 5-10 տոկոսով:
