Վրաստանի ԱԳՆ-ն արձագանքել է ՌԴ-ի ու Հարավային Օսիայի միջև հնարավոր նոր պայմանագիր ստորագրելուն
Грузия Online-ի փոխանցմամբ՝ Վրաստանի ԱԳՆ-ի մամլո խոսնակ Դավիթ Կերեսելիձեն մեկնաբանել է Հարավային Օսիայի նախագահ Լեոնիդ Թիբիլիովի այն հայտարարությունը, թե 2015 թվականին նոր պայմանագիր է ստորագրվելու Ռուսաստանի հետ:
Կերեսելիձեն հայտարարել է, որ իրենք քանիցս ասել են, որ Մոսկվայի ու Ցխինվալիի միջև ակնկալվում է նմանատիպ պայմանագրի ստորագրում, ինչպիսին որ ստորագրվեց Ռուսաստանի ու Աբխազիայի միջև: Կերեսելիձեն ընդգծել է, որ իրենք արդեն իսկ աշխատանքներ են տանում՝ միջազգային հանրությանն այդ պայմանագրի մասին իրազեկելու համար.
«Բնականաբար, Թիբիլովի հայտարարությունը տագնապալից է և իրենում պարունակում է սպառնալիք: Եվս մեկ անգամ ֆիքսենք, որ դա ապակառուցողական հայտարարություն է ինչպես Ռուսաստանի, այնպես էլ Ցխինվալիի դե-ֆակտո իշխանությունների կողմից»:
