Պաոլո Կոելիոյի 30 լավագույն ցիտատները

cluber.com.ua կայքը ներկայացրել է Պաոլո Կոելիոյի 30 լավագույն ցիտատները:

1. Մեր հրեշտակները միշտ մեզ հետ են. նրանք հաճախ օգտագործում են ուրիշների շուրթերը, որպեսզի մեզ ինչ-որ բան ասեն:

2. Եթե դու ընդունակ ես հրաշալին տեսնելու, դա միայն այն պատճառով է, որ քո ներսում հրաշալի հատկանիշներ ունես: Աշխարհը նման է հայելու, որտեղ յուրաքանչյուրը տեսնում է իր արտացոլումը:

3. Եթե մարդն իրոք ցանկանում է որևէ բան, ապա մոլորակը կնպաստի, որ նրա երազանքն իրականանա:

4. Այն, ինչ մի անգամ տեղի է ունեցել, կարող է այլևս երբեք տեղի չունենալ: Բայց այն, ինչ երկու անգամ է տեղի ունեցել, անպայման տեղի կունենա նաև երրորդ անգամ:

5. Երբեմն դու պետք է վազես, որպեսզի հասկանաս, թե ով կվազի քո ետևից: Երբեմն դու պետք է մեղմ խոսես, որպեսզի հասկանաս, թե իրականում ով է լսում քեզ: Երբեմն դու պետք է հետքայլ անես, որպեսզի հասկանաս, թե ով է կանգնած քո կողքին: Երբեմն դու պետք է սխալ որոշումներ կայացնես, որպեսզի հասկանաս, թե ով է քեզ հետ, երբ ամեն ինչ քանդվում է:

6. Եթե ես անեմ հենց այն քայլերը, որոնք ինձանից սպասում են մարդիկ, ես նրանց մոտ գերի կընկնեմ:

7. Իրական սերը փոխադարձ զգացմունքներ չի պահանջում: Իսկ նա, ով սիրո համար նվեր է ցանկանում ստանալ, իզուր ժամանակ է կորցնում:

8. Կյանքը միշտ այն ժամին սպասելն է, երբ հետագան կախված է միայն քո գործողություններից:

9. Մոլորվելը որևէ հետաքրքիր բան գտնելու լավագույն տարբերակն է:

10. Ամենամութ ժամը մինչև մայրամուտն է:

11. Եթե քեզ հոգեբուժարանից դուրս են գրել, դա դեռ չի նշանակում, որ քեզ բուժել են: Պարզապես դու դարձել ես բոլորի նման:

12. Եթե անձը քոնն է, ապա նա քոնն է, իսկ եթե նրան ուրիշ այլ տեղ է ձգում, ոչինչ նրան ետ չի պահի: Բացի դա՝ դա ոչ նյարդերի, ոչ ուշադրության կարիք ունի:

13. Բոլորը մեջքի ետևում ասում են այն, ինչ հնարավոր է, իսկ աչքերի մեջ նայելով՝ ասում են այն, ինչ ձեռնտու է:

14. Եթե սերը մարդուն արագ է փոխում, ապա հիասթափությունը դա անում է ավելի արագ:

15. Այնտեղ, ուր մեզ սպասում են, մենք միշտ ժամանակին ենք հասնում:

16. Կյանքը երբեմն զարմանալիորեն ժլատ է լինում. օրերով, շաբաթներով, ամիսներով, տարիներով մարդը ոչ մի նոր զգացում չի ապրում: Իսկ հետո նա բացում է դուռը, և նրա վրա է թափվում մի ամբողջ հոսք:

17. Ամենադժվարը սպասելն է:

18. Հասնելով վերջին՝ մարդիկ ծիծաղում են այն վախերի վրա, որոնք նրան տանջում էին սկզբում:

19. Եթե համարձակվես ցտեսություն ասել, կյանքը քեզ նոր «բարևով» կպարգևատրի:

20. Մշտապես քեզ դժբախտ զգալն անթույլատրելի շքեղությունը է:

21. Կան մարդիկ, ովքեր ծնվել են, որպեսզի կյանքը մենակ ապրեն. դա ոչ լավ է, ոչ վատ, դա կյանքն է:

22. Երբեք չի կարելի հրաժարվել երազանքից: Երազանքները սնում են մեր հոգին, այդպես պիցցան սնում է մեր օրգանիզմը: Քանի անգամ էլ կլյանքում պարտություն կրենք և տեսնենք, թե ինչպես են փլվում մեր երազանքները,  մենք պետք է շարունակենք երազել:

23. Աշխարհում ամեն ինչ նույն բանի տարբեր դրևորումներն են:

24. Մեր կյանքի ամենակարևոր բառերը մենք լուռ ենք արտաբերում:

25. Երբեմն անհրաժեշտ է անցնել ողջ աշխարհը՝ հասկանալու համար, որ գանձը թաղված է այն նույն տան բակում:

26. Մարդիկ ցանկանում են փոխել ամեն ինչ, միևնույն ժամանակ ցանկանում են, որ ամեն ինչ նույնը մնա:

27.Երբեմն պետք է մահանալ՝ նորից ապրել սկսելու համար:

28. Միշտ ասա այն, ինչ մտածում ես, և արա այն, ինչ կարծում ես: Լռությունը ճակատագրեր է կոտրում:

29. Երբ ես գտա պատասխանը, փոխվեցին բոլոր հարցերը:

30. Վերջում ամեն ինչ պետք է լավ լինի: եթե ինչ-որ բան վատ է, ուրեմն դեռ վերջը չէ:

Թարգմանությունը՝ 168.am-ի