Զարուհի Փոստանջյանը զգուշացրեց գործարար պատգամավորներին
Ինչպես արդեն տեղեկացրել ենք՝ քիչ առաջ Ազգային ժողովի նիստում պատգամավորները քվեարկեցին «2014 թ. հոկտեմբերի 10-ին Մինսկում ստորագրված «ՀՀ` «Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» պայմանագրին հավանություն տալու հարցին: Պայմանագիրը վավերացվեց, կողմ քվեարկեցին 103, դեմ՝ 7, ձեռնպահ 1 պատգամավոր:
Պատգամավոր Զարուհի Փոստանջյանը հայտարարեց, որ ԱԺ-ին այժմ հետևում է ողջ հայությունը, արտասահմանից ու Արցախից՝ նույնպես. «Հատկապես հետևում են այն պատգամավորներին, ովքեր գործարար են, ովքեր հնարավորություն ունեն հաճախ մեկնելու Արևմուտք, և քվեարկությունը կազդի հետագա այցերի վրա»: Փոստանջյանը նաև հիշեցրեց օլիգարխների նկատմամբ Պուտինի վերաբերմունքի մասին ու նրա խոսափողն անջատեցին:
