Գալուստ Սահակյանը՝ Նիկոլ Փաշինյանի նախաձեռնության մասին. Դա քաղաքական մի տրյուկ էր՝ կողքիններին վնաս պատճառելու համար
«Դա քաղաքական մի տրյուկ էր՝ կողքիններին վնաս պատճառելու համար: Կարծում եմ, իր բնութագիրն եմ ասում, փորձում էր եռյակին այսպես հարված հասցներ, որ իբր թե խոսում եք, խոսում եք, բայց ոչինչ չեք ձեռնարկում»,- այսօր լրագրողների հետ ճեպազրույցում հայտարարեց ԱԺ նախագահ Գալուստ Սահակյանը՝ մեկնաբանելով Սերժ Սարգսյանին իմպիչմենտ հայտնելու մասին պատգամավոր Նիկոլ Փաշինյանի նախաձեռնությունը:
Ըստ նրա՝ պատմությունից ևս հայտնի են նման դատողությամբ անձինք, ովքեր բոլորին դավաճանության մեջ են մեղադրել, մինչդեռ ՀՀԿ-ն 99 իշխանությունը ստանձնել է սեկվեստրի ենթարկված բյուջեով, որին Սադոյանն ասում էր՝ «մեծ փոս», բայց 2 տարում այդ փոսը լցվեց ու նեկայումս զարգացում է գնում:
Գ.Սահակյանը նշեց, որ դեկտեմբերի 10-ին նախատեսված հանրահավաքին ՀՀԿ-ն «հուժկու ձևով, դեմքը պարզած դեպի ժողովուրդը» հետևելու է, բայց մտավախություն ունեն, որ ժողովուրդը կրկին խաբվելու է:
