Կառավարությունը վաղը կհաստատի 75 մլն ԱՄՆ դոլարի վարկային համաձայնագիրը
Վերակառուցման և զարգացման միջազգային բանկը Հայաստանին՝ որպես բյուջետային աջակցություն, կհատկացնի 75 մլն ԱՄՆ դոլարի չափով վարկ: Վարկային համաձայնագիրը ՀՀ ու Վերակառուցման և զարգացման միջազգային բանկի միջև ստորագրվել է այս տարի նոյեմբերի 19-ին:
Զարգացման քաղաքականության այս վարկը երկրորդն է, որը հատկացվելու է գործարար միջավայրի, ֆինանսների, քաղաքացիական ծառայության, սոցիալական պաշտպանության, հանրային ենթակառուցվածքների և բնապահպանական ոլորտներում նախատեսվող բազմաբնույթ բարեփոխումների համար:
Ներկայումս համաձայնագիրը գտնվում է վավերացման համար անհրաժեշտ ներպետական ընթացակարգերի անցման փուլում և համաձայն ՀՀ վարչապետիհանձնարարականի` միջպետական միջազգային համաձայնագրերը ՀՀ Նախագահի կողմից մինչև ՀՀ Սահմանադրական դատարան ուղարկվելը պետք է ներկայացվեն ՀՀ կառավարության հավանությանը: Գործադիրն առաջիկա նիստում՝ նոյեմբերի 27-ին նախատեսում է հավանության արժանացնել համաձայնագիրը:
