ԱՄՆ-ը 7-րդ ռազմանավն է ուղարկել Պարսից ծոցի տարածաշրջան
Իրանական Press TV հեռուստաալիքի փոխանցմամբ` Պարսից ծոց է ուղարկվել ամերիկյան Bataan բազմանշանակ դեսանտանավը, որի վրա գտնվում է հազար ծովային հետևակային:
Bataan-ը տարածաշրջանում կմիանա ամերիկյան վեց ռազմանավից բաղկացած էսկադրային: Ներկա դրությամբ Պարսից ծոցում են գտնվում ԱՄՆ ռազմածովային ուժերի Arleigh Burke, The Truxton, The Gunston Hall, The George Bush, The O’Kane, The Philippine Sea և The Mesa Verde ռազմանավերը:
ԱՄՆ-ի իշխանությունների կողմից տարածաշրջան 7-րդ ռազմանավն ուղարկելու մասին որոշումը կապված է Իրաքում իրավիճակի սրման հետ, ուր կատաղի մարտեր են ընթանում «Իսլամական պետության» խմբավորման զինյալների դեմ: Սրանից առաջ էլ Պենտագոնն Իրաք էր ուղարկել մոտ 800 ռազմական խորհրդատուի:
