Վաղն Ադրբեջանում կբացվի ADEX-2014 պաշտպանական արդյունաբերության միջազգային ցուցահանդեսը
Ադրբեջանական Turan լրատվական գործակալության փոխանցմամբ՝ սեպտեմբերի 11-ին Ադրբեջանում մեկնարկելու է ADEX-2014 պաշտպանական արդյունաբերության միջազգային ցուցահանդեսը, որին մասնակցում է աշխարհի 34 երկրի 200 ընկերություն:
Լրատվամիջոցն ընդգծում է, որ նման ցուցահանդես առաջին անգամ է անցկացվում Ադրբեջանում ու տարածաշրջանում: Ադրբեջանի պաշտպանական արդյունաբերության փոխնախարար Յահյա Մուսաևը երեկ լրագրողների հետ զրույցում հայտարարել է, որ ներկա դրությամբ Ադրբեջանում արտադրվում է 900 անուն զինատեսակ՝ ներառյալ ամեն տիպի զինամթերք:
Թուրքիան ցուցահանդեսում ներկայացված է լինելու 37 ընկերությամբ, իսկ Իսրայելը՝ 16 ընկերությամբ:
