Կրեմլն արձագանքել է Պորոշենկոյի կողմից «Պատժամիջոցների մասին» օրենքի ստորագրմանը
Ռուսական РИА Новости լրատվական գործակալության փոխանցմամբ՝ Կրեմլը մեկնաբանել է Ուկրաինայի նախագահ Պյոտր Պորոշենկոյի կողմից «Պատժամիջոցների մասին» օրենքի ստորագրումը:
Ռուսաստանի նախագահի օգնական Յուրի Ուշակովը հայտարարել է, որ այդ պատժամիջոցները չեն ազդում ուկրաինական ճգնաժամի հանդեպ իրենց սկզբունքային մոտեցման վրա:
Այդ օրենքը նախատեսում է 29 պատժամիջոցի կիրառման հնարավորություն, որոնք առնչվում են նաև Ուկրաինայի տարածքով ռեսուրսների տարանցման սահմանափակմանը, մասնակի կամ լիակատար կասեցմանը, թռիչքների ու փոխադրումների դադարեցմանը: Դրանք առնչվում են նաև ակտիվների արգելափակմանն ու առևտրային գործողությունների սահմանափակմանը:
Սրանից առաջ Ուկրաինայի վարչապետ Արսենի Յացենյուկը հայտարարել էր, որ կառավարությունը պատրաստել է Ռուսաստանի ու այլ երկրների 172 քաղաքացուց և 65 ընկերությունից, որոնց ճնշող մասը ռուսական են, բաղկացած ցուցակ, որոնց դեմ կարող են սահմանվել պատժամիջոցներ:
