«Իսլամական պետություն» խմբավորումն Իսրայելում հայտարարվել է օրենքից դուրս
Ռուսական РИА Новости լրատվական գործակալության փոխանցմամբ՝ «Իսլամական պետություն» խմբավորումը, ով սրանից առաջ գլխատել է Իսրայելի քաղաքացիություն ունեցող ամերիկացի լրագրող Սթիվեն Սոթլոֆին, օրենքից դուրս է հայտարարվել Իսրայելում:
Այս մասին հայտարարել է Իսրայելի պաշտպանության նախարար Մոշե Յաալոնը. «Ես փաստաթուղթ եմ ստորագրել, որն ապօրինի է հայտարարում «Իսլամական պետություն» կազմակերպությունը:
Ստորագրությունը թույլատրում է իրավական բնույթի գործողություններ ձեռնարկել կազմակերպության ու դրա համակիրների դեմ, խոչընդոտել միջոցների հավաքն ու դրա գործունեության մյուս տեսակները»:
