ԱՄՆ-ն Ուկրաինայի պատճառով չի պատերազմի Ռուսաստանի դեմ. Պենտագոն
Ամերիկյան CNN հեռուստաընկերությանը տված հարցազրույցի ժամանակ ԱՄՆ պաշտպանության նախարար Չակ Հեյգելը հայտարարել է, որ ԱՄՆ-ն Ուկրաինայում տիրող իրավիճակի պատճառով ռազմական հակամարտության մեջ չի մտնի Ռուսաստանի հետ:
Պենտագոնի ղեկավարը Ռուսաստանին մեղադրել է նրանում, որ նա շարունակում է վտանգավոր քայլեր ձեռնարկել, որոնք հանգեցնում են Ուկրաինայում լարվածության էսկալացիային:
Հեյգելը սպառնացել է, որ դա հետևանքներ կունենա Ռուսաստանի համար: Դրա հետ մեկտեղ Հեյգելը հայտարարել է. «Մենք դրա պատճառով ռազմական գործողություններ, պատերազմ չենք մղի Ռուսաստանի դեմ»:
