Գլխավորը չհանձնվելն է. KFC-ի բաղադրատոմսի հեղինակին «այո» ասացին 1009-րդ փորձից
1955 թվականին, երբ Հարլանդ Սանդերսը թոշակի անցավ, նա կարող էր հույսը դնել միայն իր 105 դոլար թոշակի, հին ավտոմեքենայի և հավ եփելու հատուկ բաղադրատոմսի վրա։
Նա չէր կարծում, որ կկարողանա ապրել ամսական 105 դոլարով։ Այդ իսկ պատճառով նստեց իր հին մեքենայի ղեկին և սկսեց ռեստորանների տերերին առաջարկել իր բաղադրատոմսը։ Նա հույս ուներ վաճառված յուրաքանչյուր ճտի արժեքից ստանալ 5%, եթե իր բաղադրատոմսը գնեին։ Առաջին ռեստորանատերը մերժեց Սանդերսին, ինչպեսև երկրորդը, երրորդը… հազարերորդը։ Այո, առանց չափազանցության, Սանդերսի առաջին 1008 դիմումները անպատասխան մնացին։ Սակայն նա չէր հանձնվում, շարունակում էր զանգահարել և այցելել նրանց՝ հաճախ գիշերելով անգամ մեքենայի մեջ։ Նա հավատում էր, որ իր բաղադրատոմսը հաջողություն կունենա։
1009-րդ փորձը վերջապես հաջողվեց, ռեստորաններից մեկը նրան պատասխանեց այո։
Երկու տարի անց Սանդերսը համագործակցում էր արդեն 5 ռեստորանների հետ։ 1963 թվականին արդեն 600 ռեստորաններ վաճառում էին հավ՝ Սանդերսի բաղադրատմոսով։ Իսկ բաղադրատոմսը սկսեց ասոցացվել Kentucky Fried Chicken (KFC) ցանցի հետ, որը գործում է նաև Հայաստանում։ Եվ չնայած Սանդերսը դարձել էր մուլտիմիլիոնատեր, նա մինչև կյանքի վերջը՝ 1990թ., շարունակում էր զբաղվել KFC բրենդի առաջխաղացմամբ։
